Kemur þér ekki við

Ég er búin að vera að hugsa um að skrifa þetta í langan tíma þar sem að oft er vinafólkið mitt að vera eitthvað svona para.

Þegar að pörin vinir mínir eru að gera eitthvað þá er aldrei haft samband við okkur makalausa fólkið. Heldur fólk í alvöru að okkur makalausa fólkinu hafi engan áhuga á að hitta annað fólk? Það er sko nógu erfitt að fara að lifa einn að þurfa líka að vera skilinn eftir útundan bara vegna þess að maður á ekki maka. Það er t.d. mjög auðvelt að bjóða bara tveim makalausum svo að þeir verði ekki einmanna. Þá er hægt að slá tvær flugur í einu höggi þar sem að þá hittum við aðra makalausa sem að hafa kannski ekki endanlausan áhuga á að vera bara að djamma. Ef að mig langar að gera eitthvað þá er bara hægt að hitta aðra makalausa vegna þess að þeir sem að eiga maka eru upptekknir og það eina sem að er gert er að fara í bæinn.

Ef að þú átt makalausan vin þá máttu ekki gleyma því að hann hefur kannski bara gaman af því að hitta annað fólk en hauslausa fólkið á djamminu ;)

Enn einu sinni á forræðishyggjan að reyna að drepa okkur.

Ég er einn af þeim sem að fannst frímínútur vera skemmtilegasti tíminn í skólanum þar sem að farið var í fótbolta eða einhverja aðra skemmtilega leiki ef ekki hefði verið frímínútur þá hefði ég dáið úr leiðindum í skólanum. Nú kemur ofurfeministinn og ofgakonan Magga Pála með þá tillögu að banna frímínútur. Ég hef eina spurningu, af hverju er einhver að birta þessa frétt og af hverju er einhver að birta þessar skoðanir? Eigum við ekki líka að banna bíla því að við gætum lent í árekstri eða banna bara blogg eins og hún vill þar sem að skoðanir venjulegs fólks gætu reynst hættulegar? Þess ber samt að geta að margar af stefnum hennar í skólstarfi er ég hlynntur þannig að hún er ekki alslæm.

Hvernig væri ef að við foreldrar færum bara að eyða meiri tíma í að kenna börnunum okkar almenn samskipti í stað þess að banna og banna. Ég hvet alla foreldra að skoða hvernig að þeir kenna börnum sínum samskipti við aðra því að ég tel að það sé rót vandans, þ.e. tímaskortur okkar að tala við börnin.

Ég ætla að segja þér að ég hef talað um þetta við börnin mín frá því að þau voru mjög lítil, að skilja aldrei útundan og hugsa alltaf vel um vini sína. Það að segja við börnin í hvert skipti sem að þau lenda í einhverju að minna þau á að þau eigi að læra að reynslunni og ekki gera það sama við einhvern annan því að þá mun þeim sama líða illa. Við verðum nefnilega að vera dugleg að kenna börnunum okkar að ef að einhver hegðum lætur þeim líða illa þá eigi þau ekki að gera það við einhvern annan því ef að allir gera foreldrar gera það þá verður þessum vandamálum útrýmt hægt og rólega. En hvað gerum við þá foreldra sem að er ekki viðbjargandi kann einhver að spyrja, látum þau vera og einbeitum okkur að börnunum því að þau geta endalaust lært enda kunna þau ekki að hata, það er eitthvað sem að lærist.

Niðurstaðan, talaðu við barnið þitt um hvernig hegðun hefur áhrif og leiðbeinum barninu á rétta braut ;)

Ég hef verið að velta fyrir mér hvað fólk sem að á ekki maka gerir.

Það eru að verða 8 mánuðir síðan að ég skildi og mér fynnst ég ekkert var að komast áfram. Ég er auðvitað búinn að vera að daðra enda er ég listamaður í því en einhvernveginn þá virðist það vera þannig að ég og fórnarlömbin erum ekki að finna flöt á þessu. Þess ber að geta að þetta eru allar gerðir af konum, með og án barna, sitthvort stjörnumerkið en allar myndarlega á sinn hátt.

Mér var tjáð það af einni að hún sagði mér að ég væri svo "all in", afhverju er það eitthvað fráhrindandi? Á maður að vera að leika eitthvað sem að maður er ekki? Auðvitað er ég í þessum leik til að kynnast konu sem að mér langar að eyða lífinu með og það er það sem að ég stefni á, ekki að ríða sem flestum enda er ég löngu búinn með þann leik. Ég er ekki að fara að elta einhverja konu sem að hefur ekki áhuga á mér enda fynnst mér ekkert niðurlægjandi að fá NEI framaní mig, það er allavega betra að fá nei en þora ekki. Það eina sem að ég vil fá út úr þessu er að fynna hamingjuna með einhverri góðri konu sem að vill leyfa mér að vera eins og ég er.

Hvernig maður er ég? Ég er draumur í dós og ég meina það, ég er hjarthlýr, skemmtilegur, kelikall, heiðarlegur og síðast en ekki síst glæsilegur pakki. Auðvitað hef ég galla en enga stórkostlega, allavega ekkert sem að myndi teljast vera stór galli og stundum eru gallar bara kostir.

Þannig að niðurstaðan er sú, ef að þú þorir ekki vera að býða endalaust með það því að þá getur það verið of seint

Hvers vegna eru vinstrimenn svona einfaldir í hugsun?

Meðan að allar þjóðir heimsins lækka vexti þá aukum við vexti og meðan að allar þjóðir lækka skatta þá á að hækka skatta á Íslandi.

Það er nú þegar búið að lækka ráðstöfunartekjur fólks um 50% með hækkun lána, lækkun launa og hækkunar á verðlagi. Þá er bara eitt ráð sem að vinstri menn hafa, hækka skatta. Hversu vitlaust ætli fólk þurfi að vera til að sjá að það er ekki hægt að hækka skatta nema að koma á mót við fólk á einhvern annan veg. Það verður að auka neyslu, til að auka hana þá verður að lækka álögur á fólk til að það hafi efni á að kaupa sér hluti. Ef að það er ekki gert þá auðvitað minnkar neysla og fyrirtæki verða að draga saman, sem að veldur því að atvinnuleysi eykst. Hversu gáfaður þarf maður að vera til að sjá ekki að afleiðingar aukinna skatta eru hræðilegar í þessu árferði sem að er í dag. 

Þá er komið að fyrirtækjunum, hækka skatta á þau? Það eru flest fyrirtæki illa stödd vegna vaxtastefnunar sem að er við líði hérna og þá er auðvitað besta lausnin að hækka álögu líka af ríkinu. Þar fyrir utan á fólk minni peninga á milli handana á fólkinu þannig að fyrirtæki þurfa líka að undirbúa sig undir minnkandi tekjur. Hvað ætli að það þýði? Aukið atvinnuleysi sem að eykur greiðslur í atvinnuleysisbætur sem að minnka tekjur ríkisins enn meira. 

Ég legg til að þið, fíflin sem að kusuð þessi fífl til að stjórna landinu takið á ykkur aukna skatta meðan að við hin reynum að velja hina leiðina

Ég hef verið að velta fyrir mér tilgangi lífeyrisjóðanna, fyrir hvern eru þeir? Eiga þeir bara að þjóna þeim sem að eru efnaðir?

Þegar að maður neyðist til að borga alla ævi í lífeyrissjóð hvers vegna er þá ekki jafnað út greiðslan sem að lögð er inn. Það eru allir sem að eru að þiggja laun neyddir til að borga í þá  hvers vegna hvers vegna fer þá ekki öll innlögnin í einhverskonar jöfnunarsjóð þannig að allir fá t.d. 300 þúsund á mánuði út úr þeim í stað þess að þeir sem að hafa haft mikil laun fá alltaf meira? Ef að menn hafa haft há laun þá eiga þeir að getað lagt meiri pening fyrir en þeir sem að hafa lægri laun t.d. með séreignasparnaði. Það er búið að draga sama hlutfall af öllum og þess vegna á að jafna greiðsluna úr sjóðunum. Það er þannig í dag að þeir sem að hafa minnst á milli handana fá minna úr sjóðunum í stað þess að t.d. alþingismenn hafa meiri réttindi heldur en við, almúginn. 

Hvers vegna er ekki bara einn lífeyrisjóður fyrir alla í stað þess að hafa þá marga með rándýrri yfirbyggingu,þá myndi vera einn gífurlega öflugur sjóður í stað margra. Þá væri líka hægt að ráða teimi af hæfustu mönnunum til að stýra þeim. Ég er nefnilega ekki alveg viss um að fólk geri sér almennilega grein fyrir hversu mikil völd það er að komast í stjórn á svona sjóðum, þeir sem að komast til valda geta nefnilega haft einhver gæluverkefni fyrir vini og vandamenn ef að þeim sýnist svo. Gott dæmi er formaður í VR sem að komst í stjórn kaupþings og fékk bara 500,000 aukalega á mánuði fyrir það í stað þess að einhver hæfur maður hefði tekið sæti fyrir sjóðinn og auðvitað hefðu laun hans fyrir stjórnarsetu átt að ganga í sjóðinn þar sem að hann er starfsmaður hans. Menn eiga nefnilega ekki að fá aukalaun fyrir að sitja í stjórn einhvers fyrirtækis fyrir hönd sjóðsins og þiggja aukalaun fyrir það þar sem að þeir eru þarna sem mínir fulltrúar, auðvitað á sjóðurinn að hagnast þar sem að þetta eru hans peningar.

 Ég vil að fólk fari að gera meiri kröfur um að sjóðirnir séu vel reknir og að aldrei skerðist eigið fé sjóðanna og ef að það gerist verða menn látnir svara til saka fyrir það.